Fleiri nýskráð hjólhýsi í ár en í fyrra

Í ár hafa verið nýskráð 256 hjólhýsi á landinu en 241 á sama tíma í fyrra, samkvæmt tölum frá Samgöngustofu. Svo virðist sem veðurfar undanfarna daga hafi ekki dregið úr sölunni í ár.

Á síðustu tólf dögum hafa 94 hjólhýsi verið nýskráð. Tjaldvagnasala hefur hins vegar nánast þurrkast út og einungis eitt hefur verið nýskráð í ár en níu í fyrra. Þá hefur ekkert fellihýsi verið selt það sem af er ári.

Í umfjöllun um hjólhýsasöluna í Morgunblaðinu í dag segir Kristín Anný Jónsdóttir, sölustjóri hjá Víkurverki, einu af stærsta fyrirtæki landsins í sölu hjólhýsa, sölu á nýjum hjólhýsum vera að nálgast svipaðar tölur og fyrir hrun.