Yfir 200 tonn af plasti spöruðust

Plastnotkun minnkaði mikið eftir að verslanir Haga hættu að selja ...
Plastnotkun minnkaði mikið eftir að verslanir Haga hættu að selja burðarpoka úr plasti. mbl.is/Eggert Jóhannesson

Plastnotkun minnkaði um á þriðja hundrað tonna við að verslanirnar Hagkaup og Bónus hættu að selja burðarpoka úr plasti og tóku í staðinn upp lífniðurbrjótanlega burðarpoka, að því er fram kemur í ársskýrslu Haga.

Þá minnkaði plastnotkun Ferskra kjötvara, sem notar vörumerkin Íslands naut, Íslands lamb og Íslands grís, um 26 tonn vegna fjárfestinga í tækjum, búnaði og umbúðum.

Þá segir félagið frá því að unnið hafi verið að því að ná betri árangri í flokkun sorps fyrir endurnýtingu og endurvinnslu. Meðal annars var endurvinnsla verslana Bónus árið 2018 9,4% meiri en árið á undan og úrgangur sem fór til urðunar 4,1% minni en 2017.

mbl.is

Myntbreyta

  ISK
  USD
  EUR
  GBP
  CAD
  DKK
  NOK
  SEK
  CHF
  JPY

Erlendar viðskiptafréttir