Eimskip áfrýjar til Hæstaréttar
Setja bókamerki
Stjórn Eimskips ákvað á fundi í dag að óska eftir leyfi til að áfrýja dómi Landsréttar frá 21. júní síðastliðinn til Hæstaréttar. Landsréttur hafnaði því að ógilda 50 milljóna króna stjórnvaldssekt sem Fjármálaeftirlitið veitti Eimskipum fyrir að hafa ekki birt nægilega fljótt innherjaupplýsingar.
Þetta kemur fram í fréttatilkynningu frá félaginu þar sem sagt er að félagið telji dóm Landsréttar fordæmisgefandi og sækir því um áfrýjun á þeim grundvelli.
Er sérstaklega bent á að „við mat sitt skal rétturinn líta til þess hvort úrslit málsins hafi verulegt almennt gildi eða varði sérstaklega mikilvæga hagsmuni.“
Fjármálaeftirlitið sektaði Eimskip um 50 milljónir í mars 2017 fyrir að hafa ekki birt tafarlaust upplýsingar um afkomu félagsins á fyrsta ársfjórðungi 2016, en þá hafði afkoman batnað um 66,5%.
Hæstiréttur tekur afstöðu til þess hvort heimila skuli áfrýjunina.
Tveir í haldi grunaðir um mansal og smygl á fólki
Vangaveltur gengu lengra en innistæða var fyrir
Finnar og Svíar taka ekki á móti særðum frá Gasa
Davíð Viðarsson var skyndihugdetta
Of margir nemendur og ákall um hæft starfsfólk
Birtu ekki dóm yfir fyrrverandi forseta bæjarstjórnar