Allt að 20 þúsund manns gætu misst vinnuna hjá þýska bankanum Deutsche Bank en mikil endurskipulagning er fram undan hjá stærsta banka Þýskalands.
Alls starfa um 100 þúsund manns hjá bankanum.
Breytingarnar munu hafa mikil áhrif á fjárfestingahluta bankans; sér í lagi á skrifstofum í New York og London.
Fréttirnar koma í kjölfar þess að hætt var við sameiningu Deutsche Bank og Commerzbank í apríl. Þá kom fram að áhættan af samruna væri of mikil til að réttlæta áhættuna og kostnað sem fylgdi svo flóknum samningum.