Nova og Síminn hafa samið um dreifingu á enska boltanum í gegnum Nova TV appið og þurfa notendur appsins ekki myndlykil til að vera með áskrift að enska boltanum, sem verður aðgengilegur í Apple TV. Þetta kemur fram í fréttatilkynningu frá Nova.
Haft er eftir Margrét Tryggvadóttir forstjóra Nova að ef allir losuðu sig við myndlykilinn „þá sparar það íslenskum heimilum um tvo milljarða króna í óþarfa kostnað.“ Er það markmið Nova með dreifingunni er að auðvelda fólki að hætta alfarið notkun myndlykla.
Síminn verður rétthafi enska boltans og selur íslenskum sjónvarpsáhorfendum áskrift að honum í gegnum eigin myndlykla og aðrar dreifileiðir, en mun nú einnig bjóða upp á áskriftina í gegnum sjónvarpsapp Nova á Apple TV. Einnig verður hægt að horfa á útsendingarnar í snjallsímum, spjaldtölvum og á nova.is.
Verða báðar íþróttastöðvar Símans aðgengilegar í Nova TV, en þriðju stöðinni verður bætt við þegar útsendingar verða frá leikjum í 4K-gæðum.