Gengi Icelandair Group heldur áfram að hækka í Kauphöll Íslands, en það sem af er degi nemur hækkunin rétt um 8,1% og stendur gengið nú í 2,27 kr. Eru viðskipti með bréf flugfélagsins ríflega 22 milljónir króna.
Í morgun greindi ViðskiptaMogginn frá því að ef afhending 737-MAX-véla úr verksmiðjum Boeing drægist um 12 mánuði miðað við fyrirliggjandi samninga hefði Icelandair Group heimild til þess að ganga frá kaupunum án frekari eftirmála.