Kostur í nýtt hús og eykur vöruúrvalið

Tómas Gerald Sullenberger, framkvæmdastjóri og eigandi Kostur.is, hyggst á næstu vikum auka úrvalið enn frekar í vefversluninni.

Tómas opnaði vefverslunina í byrjun ársins og var lagerinn fyrst um sinn í vöruhúsi í Vatnagörðum sem hann deildi með fleiri netverslunum.

Verslunin fór ágætlega af stað og var salan góð í faraldrinum.

Það átti sinn þátt í að Tómas fór að svipast um eftir leiguhúsnæði undir verslunina. Úr varð að taka á leigu 350 fermetra bil í Tónahvarfi 3 við Vatnsendahæð í Kópavogi.

Til að byrja með voru 80-100 vörur í boði á Kostur.is.

Vöruúrvalið jókst þegar önnur sending barst í vor. Þriðja sendingin leggur af stað sjóleiðina frá Bandaríkjunum í dag og áætlar Tómas að með henni muni vöruúrvalið tvöfaldast. Með haustinu komi svo fjórða sendingin með enn fleiri vörum.

Fréttina má lesa í heild sinni í ViðskiptaMogganum í dag.