Flugfélagið Play hefur undirritað samning um leigu á fjórum flugvélum sem afhentar verða frá haustinu 2022 og fram á vor 2023. Áður hafði verið greint frá viljayfirlýsingu sem Play hafði undirritað við flugvélaleigusalann Gecas varðandi leigu á vélunum.
Um er að ræða þrjár Airbus A320neo flugvélar og eina Airbus A321NX flugvél. Í ágúst undirritaði Play einnig viljayfirlýsingu við annan alþjóðlegan flugvélaleigusala um leigu á tveimur Airbus A320neo vélum, en þær verða afhentar vorið 2022.
Í dag eru þrjár vélar í rekstri hjá Play og mun þetta því stækka flota félagsins upp í níu vélar fyrir sumarið 2023.
Í tilkynningu til Kauphallarinnar segir að Play sé einnig komið langt í viðræðum um leigu á tíundu vélinni.