Hluthafar Arion í Svíþjóð mun fleiri en hér

Hluthafar Arion banka í Svíþjóð eru orðnir töluvert fleiri en hluthafar bankans á Íslandi, samkvæmt upplýsingum sem ViðskiptaMogginn aflaði hjá bankanum.

Heildarfjöldi hluthafa Arion banka er nú 11.300. Þar af eru sjö þúsund í Svíþjóð, eða sextíu og tvö prósent hluthafa. Íslenskir hluthafar eru því um fjögur þúsund og þrjú hundruð, eða 38% hluthafa í bankanum.

Samkvæmt upplýsingum frá Arion banka er hlutfallsleg eign hluthafa bankans í Svíþjóð lítil, þar sem langflestir hluthafanna eru einstaklingar, þ.e. ekki fagfjárfestar.

Um 7,5% af útgefnum bréfum bankans eru í dag skráð á Nasdaq Stockholm en hluthafarnir eru frá mörgum löndum, samkvæmt upplýsingum bankans.

Lestu meira um málið í ViðskiptaMogganum í dag.