Bogi Nils kaupir í Icelandair

Bogi Nils Bogason, forstjóri Icelandair, nýtti áskriftarréttindi sín í félaginu í dag.

Hann keypti 1.458.333 hluti á genginu 1,3 krónur fyrir um 1,9 milljónir króna, í gegnum fjárfestingafélag sitt, Möskva ehf. Þetta kemur fram í tilkynningu frá Icelandair til Kauphallarinnar.

Hlutabréfaverð Icelandair stendur nú í 1,97 krónum sem er um 50% hærra en gengið sem Bogi keypti á. 

Aðrir stjórnendur Icelandair hafa einnig nýtt sér áskriftarrétt í félaginu á liðnum dögum. Gunnar Már Sigurfinnsson, framkvæmdastjóri Icelandair Cargo, keypti í morgun hlut í félaginu fyrir tæpa hálfa milljón króna og Jens Bjarnason, framkvæmdastjóri rekstrarsviðs Icelandair, keypti fyrir helgi hlutafé fyrir rúmlega 100 þúsund krónur. 

• Blogga um frétt