Bankasýslu ríkisins ber ekki að afhenda lista kaupenda sem tóku þátt í fyrra Íslandsbankaútboðinu í júní 2021, þegar ríkið seldi 35% hlut í bankanum. Úrskurðarnefnd um upplýsingamál kvað upp úrskurð þess efnis 29. mars sl.

Kærandi hafði óskað eftir upplýsingum frá Bankasýslunni um alla þá fagfjárfesta sem keypt hefðu í fyrra útboði Íslandsbanka. Óskaði hann eftir nöfnum kaupenda, ásamt þeirri upphæð sem keypt var fyrir. Taldi hann að í ljósi þess að fjármálaráðherra hafi birt lista yfir kaupendur í seinna útboðinu, sem fór fram í mars í fyrra, bæri Bankasýslunni einnig að birta lista yfir þá sem tóku þátt í fyrra útboðinu.

Bankasýslan taldi á hinn bóginn að stofnuninni sé óheimilt að veita aðganga að upplýsingunum, enda sé um að ræða upplýsingar frá Íslandsbanka, sem á hvíli þagnarskylda samkvæmt lögum um fjármálafyrirtæki.

Úrskurðarnefndin tók undir sjónarmið Bankasýslunnar, og segir í úrskurðinum að þagnarskylduákvæði laga um fjármálafyrirtæki, takmarkist ekki af ákvæðum upplýsingalögum. Loks bætti nefndin því við að Bankasýslan væri ekki bundin af ákvörðun fjármálaráðherra um að birta lista yfir kaupendur í seinna útboðinu.

Tengdar fréttir

Sala á hlut ríkisins í Íslandsbanka

Sigurður Ingi: „Punktur prik“

• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka
• Klára mögulega söluna á Íslandsbanka í vetur
• Meta bankasöluna jákvæðasta fyrir efnahagslífið

» Fleiri tengdar fréttir