Heildaraflinn 53% meiri en í fyrra

Fiskafli íslenskra skipa í mars var rúmlega 201 þúsund tonn. Það er 53% meira en heildaraflinn í sama mánuði á síðasta ári. Þetta kemur fram á vef Hagstofunnar. Afli í mars metinn á föstu verðlagi var þá 29,4% meiri en í mars 2016.

Segir þar að í tonnum talið muni mestu um aukinn uppsjávarafla en tæplega 132 þúsund tonn af loðnu veiddust í mars samanborið við 79 þúsund tonn í mars 2016.  Alls veiddust þá tæp 57 þúsund tonn af botnfiskafla sem er 14% aukning miðað við mars á síðasta ári.

Þorskaflinn er þá sagður hafa numið rúmum 34 þúsund tonnum, sem er 21% meiri afli en í sama mánuði ári fyrr.

Tekið er fram að á tólf mánaða tímabili frá apríl 2016 til mars 2017 hafi heildarafli dregist saman um 35 þúsund tonn eða 3% samanborið við 12 mánaða tímabil ári fyrr.

Sjá nánar á vef Hagstofunnar.

• Blogga um frétt