Þekking íslenskra fyrirtækja vekur athygli

Þór Sigfússon, stofnandi og stjórnarformaður Íslenska Sjávarklasans og Barbara Rasco, deildarforseti matvælavísindadeildar fylkisháskólans í Washington fylki í Bandaríkjunum (Washington State University) undirrituðu á mánudag yfirlýsingu um samstarf um rannsóknir og þróun á sviði fullnýtingar sjávarafurða.

Þetta kemur fram í tilkynningu frá klasanum. Segir þar að í háskólanum í Washington sé starfrækt öflug matvæladeild, með áherslu á starfsemi á ýmsum sviðum sem tengist sjálfbærni, sem án efa muni verða eftirsóknarvert fyrir fyrirtæki innan Íslenska sjávarklasans að tengjast með beinum hætti.

„Að sama skapi hefur reynsla og þekking íslenskra sjávarútvegsfyrirtækja á fullvinnslu sjávarafurða vakið athygli háskólans. Unnið er að stofnun sjávarklasa að íslenskri fyrirmynd í Seattle í Bandaríkjunum og er samstarf klasans og Washingtonháskóla liður í þeirri vinnu.“

• Blogga um frétt