Veiðigjöld verða óbreytt til ársloka nái tillaga Katrínar Jakobsdóttur forsætisráðherra, til þess að sætta ólík sjónarmið á Alþingi, fram að ganga. Þetta þýddi að núverandi lög yrðu framlengd. Þar með yrði ekkert af frumvarpi um lækkun veiðigjalda.

„Ég hef lagt það upp þannig að ef veiðigjöldin og innheimta þeirra verði bara óbreytt frá því sem nú er til ársloka, hvort það sé þá einhver forsenda fyrir því að við getum þá náð samkomulagi um aðra þætti þinghaldsins,“ hefur Ríkisútvarpið eftir Katrínu. Spurð hvort um er að ræða uppgjöf í þessum efnum segir hún:

„Ég er auðvitað bara að vinna samkvæmt því að reyna að sætta hér sjónarmið, þannig að þinghaldið geti farið sómasamlega fram. [...] Ég legg áherslu á það að við römmum þá inn þá umræðu sem eftir er, þannig að við sjáum það fyrir hvenær þinginu verði lokið og það verði sem fyrst.“

Tengdar fréttir

Veiðigjöld

„Eins og að pissa í skóinn sinn“

• Veiðigjaldið skili 14,3 milljörðum
• „Er þetta réttlát skipting?“
• Þriðjungi meira í veiðigjöld
• Veiðigjöld tóku breytingum

» Fleiri tengdar fréttir

• 2 blogg um fréttina

Bloggað um fréttina

• Jóhannes Ragnarsson: Ósköp er að sjá til hennar
• Geir Ágústsson: Óbreyttir skattar eru hinar nýju skattahækkanir