Fyrsta makrílnum landað í Eyjum

Fyrsti makrílfarmurinn er kominn til Vestmannaeyja.
Fyrsti makrílfarmurinn er kominn til Vestmannaeyja. mbl.is/Börkur Kjartansson

Unnið er að því að landa fyrsta makrílfarmi sumarsins í Vestmannaeyjum þessa stundina. Það var skipið Guðrún Þorkelsdóttir SU sem kom með fyrsta farminn fyrr í dag, en útgerðin Huginn er með Guðrúnu á leigu á meðan verið er að gera breytingar á Huginn VE úti í Póllandi. Fyrst var greint frá málinu á Eyjar.net.

Í samtali við mbl.is sagði Guðmundur Ingi Guðmundsson skipstjóri að þeir hefðu veitt um 160 tonn af makríl, mest suður af Vestmannaeyjum. „Þau fengust í þremur hölum, 50 tonn, 30 tonn og svo 80 tonn í morgun.“

Huginn VE er staddur í Póllandi.
Huginn VE er staddur í Póllandi. mbl.is/Þorgeir Baldursson

Guðmundur Ingi segir veiðarnar hafa hafist seinna en venjulega, en þeir lögðu af stað frá Eskifirði á miðvikudag, fyrir tveimur dögum síðan. „Við erum á nýju skipi svo þetta tók smá tíma en gekk samt vel. Fiskurinn er á hefðbundnum slóðum miðað við tíma hérna suður af Eyjum. Okkur sýnist hann líka bara svipað á sig kominn og undanfarin ár.“

Sigla aftur á miðin í nótt

„Við keyrðum bara á gamlar slóðir sem við þekkjum. Þar var einhver fiskur. Við reyndar sigldum að austan og prófuðum eitt hal á leiðinni og fengum fisk þar.“

Makrílinn verður unninn í Vinnslustöðinni, en þar er vinnsla að hefjast og þess vegna ákváðu Guðmundur Ingi og skipsfélagar hans að koma ekki með meira í þetta skiptið. „Það eru hnökrar á þessu oft í byrjun. En við komumst vonandi út aftur í nótt og verðum búnir að kasta í fyrramálið. Það er planið. Svo veit ég að það eru að fara út einhverjir bátar hérna frá Vestmannaeyjum á eftir. Þetta er bara að byrja.“

mbl.is
Afurð Dags. Meðalverð
Þorskur, óslægður 16.12.18 258,02 kr/kg
Þorskur, slægður 16.12.18 371,55 kr/kg
Ýsa, óslægð 16.12.18 219,85 kr/kg
Ýsa, slægð 16.12.18 178,04 kr/kg
Ufsi, óslægður 16.12.18 67,33 kr/kg
Ufsi, slægður 16.12.18 132,11 kr/kg
Djúpkarfi 6.12.18 307,00 kr/kg
Gullkarfi 16.12.18 248,52 kr/kg
Litli karfi 24.10.18 17,00 kr/kg
Blálanga, óslægð 14.12.18 257,33 kr/kg

Fleiri tegundir »

16.12.18 Kristján HF-100 Lína
Þorskur 167 kg
Karfi / Gullkarfi 14 kg
Samtals 181 kg
16.12.18 Kristinn SH-812 Landbeitt lína
Þorskur 5.704 kg
Ýsa 3.399 kg
Samtals 9.103 kg
16.12.18 Karólína ÞH-100 Lína
Ýsa 1.728 kg
Þorskur 619 kg
Samtals 2.347 kg
16.12.18 Hafdís SU-220 Lína
Þorskur 3.429 kg
Ýsa 3.281 kg
Keila 38 kg
Hlýri 6 kg
Samtals 6.754 kg

Skoða allar landanir »