Vélarbilun í tveimur skipum Eimskips

Alvarleg vélarbilun varð í ms. Dettifossi, skipi Eimskips, um miðjan síðasta mánuð þegar skipið var á leiðinni til Hollands. Hollenskur dráttarbátur var fenginn til að draga Dettifoss til Rotterdam, um 100 sjómílna leið.

Í ljós kom að lokar í aðalvél höfðu brotnað og tók viðgerðin fjórar vikur. Að henni lokinni fór skipið í áætlunarsiglingar á nýjan leik og var það væntanlegt til Reykjavíkur klukkan fimm í morgun.

Til sömu ráða var gripið þegar Blikur, leiguskip félagsins, varð skyndilega vélarvana í Sundahöfn, rétt áður en það lagðist að bryggjuhinn 25. júní sl. Önnur skip á vegum Eimskip fóru þá inn í áætlun Blikurs. Sprenging var í vélarrúmi Blikurs og myndaðist mikill reykur í vélarrrúminu. Hins vegar varð ekki eldur laus um borð. Viðgerðin á Blikur tók þrjár vikur og að því búnu fór skipið í reglubundnar áætlunarsiglingar á ný.