Stýrimaðurinn á Aðalbjörgu gerir að nótinni

Daglegt líf fólksins í landinu leitar nú að nýju til jafnvægis og rútínu eftir sumarleyfi. Skólastarf hefst í vikunni og atvinnulífið rúllar áfram. Nýtt fiskveiðiár hefst 1. september og sjómenn víða um landið eru að gera klárt svo leggja megi á djúpið.

Jóhann Kristmundsson, stýrimaður á Aðalbjörgu RE, var að fara yfir og bæta í nótina þegar ljósmyndari hitti hann á Grandagarðinum í Reykjavík, en myndin birtist á forsíðu Morgunblaðsins í dag.