Samstarf um hönnun 13 nýrra báta og skipa

Teikning af fyrstu hugmynd að Nökkva 1500, leitar- og björgunarskipi ...
Teikning af fyrstu hugmynd að Nökkva 1500, leitar- og björgunarskipi sem byggir á hönnun Rafnar ehf. Teikning/Rafnar

Slysavarnafélagið Landsbjörg (SL) og Rafnar ehf. hafa undirritað viljayfirlýsingu um samstarf í tengslum við hönnun og síðar endurnýjun á öllum björgunarbáta- og skipaflota landsins. Um er að ræða 13 nýja báta og skip og er gert ráð fyrir að verkefnið kosti um 2 milljarða íslenskra króna. Þetta kemur fram í tilkynningu frá félaginu.

Verða hannaðir annars vegar 12-15 metra langir léttbyggðir bátar og hins vegar 15 metra björgunarskip til lengra úthalds. Hefur Tækniþróunarsjóður styrkt Rafnar vegna þessa um 70 milljónir króna á næstu tveimur árum.

Rafnar afhentu fyrsta sérhannaða björgunarbátinn árið 2015 og hefur fyrirtækið síðan verið í samvinnu um frekari þróun slíkra báta.

Meðal annars er reynt að draga úr þeim höggum sem verða á báta þegar þeir fara yfir hafflötinn á miklum hraða. Með skrokkhönnun báta frá Rafnar er reynt að draga úr þeim höggum og segir í tilkynningunni að verkfræðideild Háskóla Íslands hafi metið að hönnunin dragi úr höggunum 80-90%.

Slysavarnafélagið Landsbjörg og Rafnar munu eftir því sem við á leita eftir samstarfi við og afla tilboða frá skipasmíðastöðvum sem mesta reynslu hafa á þessu sviði.

Haft er eftir Jóni Svanberg Hjartarsyni, framkvæmdastjóra SL að endurnýjun björgunarbáta- og skipaflota landsins sé bráðnauðsynlegt hagsmunamál og mikilvægt öryggismál. Undanfarið hafi rýni- og greiningarvinna átt sér stað um næstu skref og að miklar vonir séu bundnar við hina sérhönnuðu skrokkhönnun Rafnar.

mbl.is
Afurð Dags. Meðalverð
Þorskur, óslægður 14.11.18 291,90 kr/kg
Þorskur, slægður 14.11.18 326,14 kr/kg
Ýsa, óslægð 14.11.18 272,29 kr/kg
Ýsa, slægð 14.11.18 249,23 kr/kg
Ufsi, óslægður 14.11.18 129,15 kr/kg
Ufsi, slægður 14.11.18 125,20 kr/kg
Djúpkarfi 12.11.18 246,54 kr/kg
Gullkarfi 14.11.18 255,25 kr/kg
Litli karfi 24.10.18 17,00 kr/kg
Blálanga, óslægð 14.11.18 278,65 kr/kg

Fleiri tegundir »

15.11.18 Hvanney SF-051 Þorskfisknet
Langa 103 kg
Skötuselur 35 kg
Ufsi 25 kg
Keila 23 kg
Ýsa 13 kg
Karfi / Gullkarfi 6 kg
Lýr 4 kg
Skarkoli 3 kg
Samtals 212 kg
15.11.18 Kristján HF-100 Landbeitt lína
Þorskur 111 kg
Samtals 111 kg
15.11.18 Bergey VE-544 Botnvarpa
Ýsa 26.752 kg
Karfi / Gullkarfi 20.259 kg
Djúpkarfi 12.173 kg
Ufsi 5.414 kg
Þorskur 4.428 kg
Langa 768 kg
Blálanga 402 kg
Skötuselur 245 kg
Þykkvalúra / Sólkoli 241 kg
Skata 84 kg
Steinbítur 40 kg
Skarkoli 19 kg
Stórkjafta / Öfugkjafta 11 kg
Samtals 70.836 kg

Skoða allar landanir »