Stjórnvöld „berja hausnum við steininn“

Samtök ferðaþjónustunnar benda á að veiðar á langreyði séu ekki ...
Samtök ferðaþjónustunnar benda á að veiðar á langreyði séu ekki sjálfbærar. mbl.is/Jim Smart

Samtök ferðaþjónustunnar lýsa yfir vonbrigðum með að sjávarútvegsráðherra hafi undirritað reglugerð sem heimilar áframhaldandi veiðar á langreyði og hrefnu til næstu fimm ára, eða til ársins 2023. Þetta kemur fram í ályktun samtakanna.  

Þau benda á að veiðar á langreyði hafa ekki verið sjálfbærar og verið reknar með tapi frá því þær hófust að nýju árið 2009. „Veiðar á stórhveli við Íslandsstrendur hafa um langt árabil verið mikið hitamál, ekki bara hér á landi heldur um allan heim. Þá er ljóst að óeining er í ríkisstjórninni um að gefið verið út áframhaldandi leyfi til veiða á langreyði,“ segir í tilkynningunni. 

Einnig er bent á að sjávarútvegsráðherra hafi meðal annars litið til skýrslu Hagfræðistofnunar Háskóla Íslands um þjóðhagsleg áhrif hvalveiða við ákvörðunartökuna. Samtökin gagnrýna skýrsluna og segja að „lítið sem ekkert tillit tekið til ferðaþjónustunnar – stærstu útflutningsatvinnugreinar þjóðarinnar – sem hlýtur að draga verulega úr vægi hennar og grafa undan ákvörðun sjávarútvegsráðherra.“  

Að sögn samtakanna komi fram í umræddri skýrslu Hagfræðistofnunar að útflutningstekjur af langreyði á árunum 2009 – 2017 námu um 11,3 milljörðum króna, eða tæplega 1,3 milljörðum króna á ári. „Það er lægri upphæð en ferðaþjónusta skapar á dag í gjaldeyristekjur fyrir þjóðarbúið,“ segir ennfremur. 

Tefla á tvær hættur

Samtökin skora á stjórnvöld að gera úttekt á áhrifum hvalveiða á helstu viðskiptamarkaði ferðaþjónustu og annarra útflutningsatvinnugreina erlendis. 

„Með ákvörðun sinni um áframhaldandi veiðar á langreyði er sjávarútvegsráðherra að tefla á tvær hættur og fórna meiri hagsmunum fyrir minni. Skynsamlegra er að leyfa þeim útflutningsatvinnugreinum sem færa þjóðarbúinu hundruð milljarða króna í útflutningstekjur ár hvert að njóta vafans og stuðla að eflingu þeirra í stað þess að berja hausnum við steininn  og halda úti atvinnugrein sem stendur ekki undir sér.“

Hér er ályktunin í heild sinni. 

Langreyður skorin.
Langreyður skorin. mbl.is/Ómar Óskarsson
mbl.is

Bloggað um fréttina

Afurð Dags. Meðalverð
Þorskur, óslægður 22.3.19 328,97 kr/kg
Þorskur, slægður 22.3.19 407,71 kr/kg
Ýsa, óslægð 22.3.19 281,12 kr/kg
Ýsa, slægð 22.3.19 273,92 kr/kg
Ufsi, óslægður 22.3.19 85,30 kr/kg
Ufsi, slægður 22.3.19 148,89 kr/kg
Djúpkarfi 11.3.19 109,00 kr/kg
Gullkarfi 22.3.19 238,07 kr/kg
Litli karfi 19.3.19 0,00 kr/kg
Blálanga, óslægð 14.3.19 195,00 kr/kg

Fleiri tegundir »

22.3.19 Ásdís ÍS-002 Dragnót
Ýsa 3.750 kg
Þorskur 645 kg
Grásleppa 38 kg
Lúða 27 kg
Rauðmagi 2 kg
Steinbítur 2 kg
Skarkoli 2 kg
Þykkvalúra / Sólkoli 1 kg
Samtals 4.467 kg
22.3.19 Hulda GK-017 Lína
Þorskur 4.755 kg
Ýsa 751 kg
Samtals 5.506 kg
22.3.19 Kristján HF-100 Lína
Þorskur 311 kg
Steinbítur 28 kg
Samtals 339 kg

Skoða allar landanir »