„Tímabundið ástand“ í uppsjávarveiði
Setja bókamerki
Áhyggjur sjávarútvegsráðherra af loðnubrestinum snúa helst að því að ekki sé vitað nægilega mikið um vistfræði- og umhverfisþætti sem lúta að loðnunni. „Það eru einhverjar breytingar í hafinu sem við þurfum að rannsaka betur,“ sagði Kristján Þór Júlíusson í Kastljósi í kvöld.
Hann segir mikla fjármuni þegar hafa verið setta í rannsóknir vegna þessa og leit að loðnu hafi aldrei verið eins umfangsmikil og hún var nú í vetur.
Aðspurður sagði hann ekki um það að ræða að ganga gegn ráðgjöf vísindamanna og gefa út loðnukvóta. „Við höfum sem betur fer byggt okkar auðlindanýtingu á ráðgjöf vísindamanna, bestu fáanlegu ráðum hverju sinni,“ sagði Kristján Þór og bætti við að deilur vegna þessa hefðu hjaðnað vegna breyttra viðhorfa og aukinnar þekkingar.
„Ég hef enga trú á því að uppsjávarveiðin sé að leggjast af. Þetta er tímabundið ástand og ég hef trú á því að þetta komi þó að síðar verði.“
Eina leiðin var að fella björninn
Tveir í haldi grunaðir um mansal og smygl á fólki
Mikilvægt að úrræði séu endurskoðuð
Erlendir fangar sendir til útlanda?
Fjarskiptatæki um alla borg sprungu samtímis
Segja 20 liðsmenn Hisbollah látna
Of margir nemendur og ákall um hæft starfsfólk
740 milljón króna sígarettusmygl