„Hún hefur nú aðeins verið að glæðast síðustu daga. En það er bara svo mikill þorskur í þessu. Við vorum með einhver fjögur tonn í gær af þorski og grásleppu, um það bil tvö tonn af hvoru,“ segir Arnþór Hermannsson, skipstjóri á Sæþóri EA, um grásleppuvertíðina sem hófst 20. mars.

Spurður hvort meira sé um þorsk í upphafi vertíðar en tíðkast hefur undanfarin ár segir Arnþór að erfitt sé að svara því, þar sem hann hafi jafnan byrjað seinna á grásleppuveiðum.

„Þá höfum við sloppið við þorskinn að mestu, svona mánuði eftir upphaf vertíðar. Við þekkjum þennan tíma ekki svo mikið, en jú það hefur oft verið hellingur af þorski á þessum tíma.“

Arnþór segist verða var við mikla loðnu í þorskinum.

„Svo að hann virðist hafa fundið loðnuna,“ bætir hann við.

„Held hún verði frekar döpur“

„Mér finnst þetta vera frekar léleg byrjun miðað við oft áður, hérna í Eyjafirðinum,“ segir hann og bætir við að þannig sé staðan allt frá Siglufirði og austur til Flateyjar á Skjálfanda.

„Þetta er ekki eins og oft hefur verið. En svo hefur maður ekki heyrt frá Kópaskeri og Húsavík. Þar er vertíðin kannski rétt að byrja, enda búin að vera bræla og leiðindatíð.“

Arnþór segist ekki bjartsýnn á vertíðina. „Ég held hún verði frekar döpur. Manni finnst að þetta hefði annars átt að byrja með meiri látum. En það er aldrei að vita.“

Myndskeiðið hér að ofan sýnir frá netaróðri um borð í Sæþóri í síðasta mánuði.

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt