Grípa til enn frekari aðgerða

Yfirvöld í Kanada hafa komið í framkvæmd ráðstöfunum til að vernda stofn sléttbaka frekar eftir að sex hvalir hafa drepist síðan í júní í St. Lawrence-flóa. Sléttbakar eru í bráðri útrýmingarhættu, en talið er að aðeins rúmlega 400 hvalir séu eftir í Norður-Atlantshafi. 

Að minnsta kosti 3 af þeim 6 sléttbökum sem drepist hafa í sumar lentu að öllum líkindum í árekstri við skip samkvæmt Marc Garneau, samgönguráðherra Kanada. 

Frétt af mbl.is

„Satt að segja, þá er ég orðlaus“

Sléttbakur hefur að því er talið er ekki drepist á svæðinu síðan árið 2017 fyrr en nú. Samgönguyfirvöld komu því á hraðatak­mörk­un í St. Lawrence-flóa í júní, sem tak­mark­ar hraða skipa við 10 hnúta. 

í kjölfarið voru settar frekari hraðatakmarkanir yfir stórt svæði á flóanum fyrir skip sem eru lengri en 20 metrar. Nú hafa hraðatakmarkanir verið færðar út til að ná til allra skipa yfir 13 metrar að lengd og eftirlitsflugum yfir flóanum hefur verið fjölgað úr 7 í 24 síðan í lok júní. Þá hefur sex­tán þúsund fer­kíló­metra svæði einnig verið lokað fyr­ir veiðum í at­vinnu­skyni í tilraun til að vernda sléttbakana. 

Eftirlitsflugvélar leita nú að þremur sléttbökum til viðbótar sem hafa sést flæktir í veiðarfæri á síðustu dögum. 

„Tilraunir til að losa þá verða aðeins möguleiki ef það er hægt að framkvæma það á öruggan hátt. Sléttbakar eru á meðal erfiðustu tegunda sjávarspendýra til að losa vegna stærðar þeirra, styrks og hegðunar,“ segir í tilkynningu samtaka um sjávarútveg í Kanada. 

Samkvæmt kanadískum yfirvöldum er nú talið að sléttbakar séu aðeins 412 talsins, að teknu tilliti þeirra 7 kálfa sem hafa nýlega fæðst. Eru sléttbakar á meðal þeirra dýrategunda sem eru í hvað mesti útrýmingarhættu í heiminum. 

• Blogga um frétt