Verðhjöðnun tímabundinn vandi

Samkvæmt laxvísitölu Nasdaq – sem kauphöllin í Ósló heldur utan um – hefur verð á þriggja til sex kílóa slægðum laxi fallið um 37,12% á síðustu þrem mánuðum og 10,67% á síðustu fjórum vikum, í evrum talið. Meðalverð á umræddum þyngdarflokki er sagt 4,68 evrur á kílóið.

„Þróunin fram á við virðist nokkuð stöðug, þannig að við teljum að samdráttur í verði sé tímabundinn vandi,“ hefur Salmon Business eftir Tore Tønseth, greinenda laxmarkaða hjá SpareBank1 í Noregi. Hann segir verðþróunina tengjast auknum afköstum í hafi við Noreg, breyttri kauphegðun í ESB og auknu magni á markað frá Skotlandi.

„Það mun taka tvo til þrjá mánuði fyrir lægra verð að hafa áhrif á eftirspurnina, þannig hafa margir þættir áhrif á verðmyndunina,“ segir Tønseth sem bendir á að greiningardeild SpareBank1 telji heldur jákvæðari horfir fyrir árin 2020 og 2021.

• Blogga um frétt