Nýtt hús Hafrannsóknastofnunar, sem jafnframt er stærsta timburhús landsins, var vígt í dag. Nýju höfuðstöðvarnar eru að Fornubúðum 5, við höfnina í Hafnarfirði. 

Starfsfólk Hafrannsóknastofnunar fylkti liði og gekk saman frá Sjávarútvegshúsinu á Skúlagötu og um borð í rannsóknarskipin Árna Friðriksson og Bjarna Sæmundsson sem liggja við Faxagarð við Hörpu og sigldi með þeim út Faxaflóann og yfir í sína nýju heimahöfn. 

Með í för var forseti Íslands, Guðni Th. Jóhannesson. Þá fylgdu björgunarskip Landsbjargar rannsóknarskipunum í vígslusiglinguna og því varð til lítil skipalest, skipuð alls fimm bátum. 

Skipin lögðust að bryggju við Háabakka, nýjan hafnargarð í Hafnarfjarðarhöfn um klukkan fjögur í dag en þá klippti forsetinn á borða neðst á landganginum við hafnargarðinn og með því vígði hann höfuðstöðvarnar formlega. 

Tengdar fréttir

Hafrannsóknastofnun

Héldu í 34 daga uppsjávarleiðangur

• Fátt kom á óvart
• Ráðgjöfin sögð æra óstöðugan
• Þorskstofninn fari hægt minnkandi
• Beint: Ráðgjöf Hafrannsóknastofnunar

» Fleiri tengdar fréttir

• Blogga um frétt