Norska uppsjávarskipið Hardhaus, sem Ísfélag Vestmannaeyja festi nýlega kaup á, landaði loðnu í frystihús Ísfélagsins á Þórshöfn fyrir hádegi í morgun. 

Þetta er fyrsta loðnan á vertíðinni sem landað er á Þórshöfn, 470 tonn og segir Jón Axelsson að þetta sé stór og góð loðna, hrognafylling 15%. Hún fer öll í frystingu. <span>Ole Inge Møgste er skipstjóri á Hardhaus.</span>

Eftir löndun á Þórshöfn er planið að setja nótina á nótahótel á Eskifirði og sigla síðan til Vestmannaeyja þar sem skipið verður afhent Ísfélaginu á mánudag að sögn Jóns.

Frétt af mbl.is

Ágætur loðnuafli við Eyjar

Vinnsla Ísfélagsins á Þórshöfn er um verður um tvo sólarhringa að vinna aflann. Áhöfnin er norsk en og er öll í sóttkví sem lýkur á mánudag. 

„Skipið er frábært og mjög gott sjóskip lipurt og kraftmikið, búið fullkomnasta búnaði sem völ er á í dag til uppsjávarveiða,“ segir Jón Axelssonar sem er eini Íslendingurinn um borð eins og er. Að lok­inni vertíð Norðmanna er ráðgert að skipið fari á loðnu­veiðar fyrir Ísfélagið og beri þá nafnið Álsey VE.

„Já við veiddum þetta út af Austfjörðum og var talsvert að sjá af loðnu á svæðinu,“ bætti Jón við.

Tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt