Kristján Þór Júlíusson, sjávarútvegs- og landbúnaðarráðherra, undirritaði breytta reglugerð um strandveiðar í dag. Með breytingunni verður ekki heimilt að verða að veiðum á svokölluðum rauðum dögum, að því er fram kemur á vef Fiskistofu. Þannig verður ekki hægt að stunda strandveiðar á uppstigningardag 13. maí, annan í hvítasunnu 24. maí, þjóðhátíðardaginn 17. júní eða frídag verslunarmanna 2. ágúst.

Í færslu á vef Landssambands smábátaeigenda er vakin athygli á þeim rökum sem sambandið telur mæla með banninu. Er þar nefnd mikil fjölgun báta með strandveiðileyfi í upphafi tímabils, aflaaukning milli ára á fyrstu þrem dögum veiðanna (úr 225 tonnum í 588 tonn), að útgefið aflamagn kláraðist í fyrra og veiðar voru stöðvaðar 19. ágúst og að enn sé ekki tryggt að veiðidagar verði 48 eins og sambandið vill sjá.

„Með breytingunni er hægt að teygja sóknina sem lengst inn í ágúst þegar að jafnaði fæst hærra verð en í maí,“ segir í færslunni.

Tengdar fréttir

Smábátaveiðar

Ráðgjöfin sögð æra óstöðugan

• Ánægður með nýja Sigrúnu Björk ÞH
• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði

» Fleiri tengdar fréttir

• Blogga um frétt