„Aflamarkskerfið, sem íslensk sjávarútvegsfyrirtæki búa við, hvetur útgerðir til að lágmarka kostnað og hámarka aflaverðmæti og frjáls verð- myndun á markaði er útgerðum hvatning til að reyna að fá sem hæst verð fyrir aflann.“

Þetta segja fjórir vísindamenn í nýrri skýrslu sem Morgunblaðið hefur undir höndum. Sveinn Agnarsson, prófessor við viðskiptafræðideild HÍ, mun í dag kynna helstu niðurstöður skýrslunnar um stöðu og horfur í íslenskum sjávarútvegi og fiskeldi.

Fram kemur að íslenskur sjávarútvegur hafi mætt sífellt harðnandi samkeppni á alþjóðlegum mörkuðum og er vakin athygli á að sjávarútvegurinn hér á landi sé í algjörri sérstöðu með tilliti til þess að hann greiðir meira í opinbera sjóði en hann fær úr þeim, sem er ekki tilfellið í hinum 28 aðildarríkjum OECD. Jafnframt hefur opinber stuðningur við sjávarútveg aukist í ríkjum OECD, að Íslandi undanskildu.

Greininni hefur tekist að mæta þessari áskorun með því að „nýta ekki bara, heldur taka þátt í að þróa nýjustu tækni á flestum stigum virðiskeðjunnar, þ.e. veiðum, vinnslu, flutningum og síðast en ekki síst í markaðssetningu,“ segir í skýrslunni. Þá sé þetta fjárhagslegum styrkleika íslenskra sjávarútvegsfyrirtækja að þakka þar sem þau hafi bolmagn til að fjárfesta í tækniþróun, að því er fram kemur í Morgunblaðinu í dag.

Tengdar fréttir

Fiskveiðistjórnunin

Lilja Rafney yfirgefur VG vegna svika flokksins

• Kristrún vill frekar gjöld en kerfisbreytingar
• Fáar vísbendingar um bættar strandveiðar
• Velgengnin byggð á góðri umgjörð
• Brimi úthlutað mestum kvóta

» Fleiri tengdar fréttir