Samherji boðar mikla uppbyggingu í Öxarfirði
Setja bókamerki
Tengdar fréttir
Fiskeldi
Stjórn Samherja fiskeldis hefur ákveðið að stækka landeldisstöð félagsins í Öxarfirði um helming og er stefnt að því að framleiðslan verði um þrjú þúsund tonn af laxi á ári. Áætlaður kostnaður við áformin er einn og hálfur milljarður króna, að því er fram kemur í tilkynningu á vef Samherja.
Þar segir að gert sé ráð fyrir landgræðslu og síðar skógrækt á nærliggjandi jörð „sem hluti af hringrásarhagkerfi eldisins, bættri nýtingu og kolefnisjöfnun.“
Um nokkurt skeið hefur fyrirtækið haft í skoðun möguleika til stækkunar á eldisstöðinni í Öxarfirði og er haft eftir Jóni Kjartani Jónssyni, framkvæmdastjóra Samherja fiskeldis ehf., að framkvæmdir munu hefjast á næstunni en fyrst þurfi að ganga frá skipulagsmalum sem eru á lokastigi.
„Þetta er nokkuð umfangsmikið verkefni. Kerin sem við byggjum verða alls fimm vegna stækkunarinnar, um helmingi stærri að umfangi en stærstu ker sem fyrir eru. Þá þarf að auka sjótöku, byggja hreinsimannvirki, stoðkerfi og koma fyrir ýmsum tækjabúnaði. Undirbúningsvinnu er nú að mestu lokið, leyfin eru að klárast og næst er að hefjast handa,“ segir Jón Kjartan.
Tengjast áformum á Reykjanesinu
Samherji er eigandi lóðarinnar í Öxarfirði þar sem starfsemin fer fram og hefur einnig fest kaup á jörðinni Akursel. Fyrirhugað er að nýta áburð frá stöðinni til landgræðslu og síðar skógræktar á jörðinni.
„Samherji áformar að byggja upp allt að 40.000 tonna landeldi á laxi á Reykjanesi á næstu árum og þessi stækkun í Öxarfirði tengist þeim áformum. Það má segja að stækkunin fyrir norðan sé á vissan hátt undanfari þessa stóra verkefnis okkar á Reykjanesi. Við ætlum að prófa nýja hluti og í stærri einingum en áður og nýta þá reynslu við hönnun og rekstur á nýju stöðinni,“ útskýrir framkvæmdastjórinn.
/frimg/1/28/15/1281565.jpg)
Jón Kjartan telur stækkun stöðvarinnar í Öxarfirði hafa jákvæð áhrif á nærsamfélagið. „Með helmingi stærri stöð eykst umfangið að sama skapi. Störfum fjölgar, aðflutningar til og frá stöðinni munu aukast og þörf á aðkeyptri þjónustu til rekstrarins verður meiri. Þetta eflir samfélagið og undirstrikar jafnframt trú okkar á landeldi og að Öxarfjörðurinn sé hentugur staður fyrir slíka atvinnustarfsemi.“
Tengdar fréttir
Fiskeldi
Skiptir miklu meira máli en fólk grunar
Krefjast stöðvunar framkvæmda
Tveir í bílnum sem lenti utan vegar
Banna mengandi búnað sem leyfður er á Íslandi
„Höfum ekki náð að skríða upp úr þeirri gryfju“
Kaldasti veturinn kom að óvörum
Skar höfuðleðrið af íslenskri konu
„Umsátursástand“