Örfirisey RE-4, frystitogari Brims þurfti að hætta við veiðiferð sína eftir að tveir greindust smitaðir af kórónuveirunni. Þetta staðfestir Guðmundur Kristjánsson, forstjóri Brims, í samtali við 200 mílur.

Skipið lét frá bryggju sunnudaginn 2. janúar og hafði áhöfnin öll verið skimuð fyrir brottför og fengið neikvæða niðurstöðu. Á mánudag greindust síðan tveir í áhöfninni um borð. Var því skipinu snúið við og haldið til hafnar. Þegar lagt var við bryggju í Reykjavík voru tekin sýni úr öllum á ný, að sögn Guðmundar. Reyndist þá þriðji skipverjinn smitaður.

Guðmundur Kristjánsson forstjóri Brims. mbl.is/Kristinn Magnússon

Alls eru 27 í áhöfn og sæta þrír því einangrun en 24 eru í sóttkví. Að sögn Guðmundar fara þeir 24 sem fengu neikvæða niðurstöðu á mánudag aftur í sýnatöku á föstudag og er stefnt að því að halda til veiða um helgina.

Spurður hvort atvikið hafi áhrif á reksturinn svarar Guðmundur því neitandi. „En þetta er óþægilegt, ekki síst fyrir áhöfnina. Þetta er 27 manna vinnustaður og þarna eru frískir menn sem geta ekki unnið í fimm daga.“

Útgerðirnar hafa ekki farið varhluta af fjölgun smita í samfélaginu og þurfti nýlega Bergey að snúa til hafnar á þriðjudag skömmu eftir brottför þegar grunur var um smit um borð. Hafði Bergey einnig lent í smiti í desember.

Frétt af mbl.is

Aftur grunur um smit í Bergey sem snéri til hafnar

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt