Björgunarsveitin Ernir á Bolungarvík hefur gengið frá kaupum á nýjum björgunarbát sem afhentur verður um mitt sumar í Noregi. Báturinn mun verða nýr Kobbi Láka, en fyrirrennarinn sökk í höfninni í vonskuveðri.

Fram kemur í tilkynningu á Facebook-síðu Ernis að báturinn sem um ræðir ber nú nafnið RS Hvaler og er í eigu norsku sjóbjörgunarsamtakanna, Redningsselskapet. „Þessi bátur er mikið skref uppá við fyrir okkur og verður aukin viðbragðsgeta hér á svæðinu,“ segir í tilkynningunni.

Lengd bátsins er 12,8 metrar og er sagður útbúinn öflugum búnaði. Þá eru um borð tvær Yanmar-vélar og er báturinn drifinn áfram með þotuskrúfu. Ganghraði bátsins er vel yfir 30 sjómílur á klukkustund. Einnig er báturinn útbúinn góðum slökkvibúnaði.

Frétt af mbl.is

Skert viðbragðsgeta á Vestfjörðum

Tengdar fréttir

Öryggi sjófarenda

Dýrt að reka eina vél

• Áhyggjur meðal sjómanna af Gæslunni
• Stutt við kaup á nýju björgunarskipi
• Færa smábátasjómönnum öryggisapp að kostnaðarlausu
• Strand skemmtiferðaskips kallar á erlenda aðstoð

» Fleiri tengdar fréttir

• Blogga um frétt