Koma upp búnaði á Grundartanga

Bandaríska loftslagsfyrirtækið Running Tide kemur nú upp búnaði til framleiðslu á þörungum til kolefnisbindingar í hafi. Dráttarbáturinn BB Worker flutti búnaðinn til Grundartanga en vonir standa til þess að starfsemin geti hafist á allra næstu dögum.

Fyrirtækið skrifaði í sumar undir samning við Breið þróunarfélag og Brim hf. um leigu húsnæðis á Akranesi undir aðstöðu fyrir rannsóknir og framleiðslu á þörungunum. Running Tide hyggst nýta þá þekkingu sem fyrirtækið hefur aflað sér í hátækniþörungarækt og byggja upp starfsemi sína á því sviði á Íslandi. Verða stórþörungar sem binda kolefni í stórum stíl ræktaðir á sérhönnuðum baujum á hafi úti en þörungarnir og baujurnar vinna einnig gegn súrnun sjávar.

Running Tide á í samstarfi við kolefnisförgunarkaupendur og stofnanir á sviði loftslags- og hafvísinda.

Frétt af mbl.is

Hefja hátækniþörungarækt á Akranesi