Kolmunnaveiðar hófust hjá Berki NK og Beiti NK í gærmorgun, en skipin héldu á miðin á mánudag.

„Við erum búnir að hífa einu sinni 445 tonn eftir að hafa dregið í 13 – 14 tíma. Beitir er einnig búinn að hífa einu sinni 340 tonn,“ segir Leifur Þormóðsson, stýrimaður á Berki, um gang veiða í færslu á vef Síldarvinnslunnar.

Leifur upplýsir að Börkur og Beitir séu einu skipin sem eru á kolmunnaveiðum á svæðinu suðaustur af Færeyjum við línuna á milli Færeyja og Shetlandseyja. „Það er dálítið að sjá hérna, sérstaklega var töluvert að sjá í nótt. Það er bræla núna en það á að fara að lægja. Hvort skip má taka 2.000 tonn í þessari veiðiferð.“

Tengdar fréttir

Síldarvinnslan

Fjölnir til Noregs

• Kaup Síldarvinnslunnar ganga til baka
• Sjóvá og Síldarvinnslan áfram í samstarfi
• Samfélagsspor Síldarvinnslunnar yfir 10 milljarðar
• Þorsteinn Már skaut föstum skotum á SKE

» Fleiri tengdar fréttir

• Blogga um frétt