Borgarstjórn Reykjavíkur samþykkti í dag að beina því til stjórnar Faxaflóahafnar, að finna annan stað fyrir veiðiskip Hvals hf. en í miðri gömlu höfninni.

Líf Magneudóttir, borgarfulltrúi VG, lagði fram tillögu um að beina því til stjórnar Faxaflóahafna að endurskoða samning hafnarinnar við fyrirtækið Hval hf. um hafnaraðstöðu fyrir hvalveiðiskip félagsins, segja honum upp eða sjá til þess að hvalveiðiskipunum verði fundinn annar staður en í miðri gömlu höfninni í Reykjavík sem er miðstöð ferðamennsku og hvalaskoðunar.

Magnea Gná Jóhannsdóttir, borgarfulltrúi Framsóknarflokksins, lagði fram breytingartillögu um að því verði beint til stjórnar Faxaflóahafnar að fundinn verði annar staður fyrir skipin. Sú breytingartillaga var samþykkt með 16 atkvæðum en fimm sátu hjá og tillagan svo breytt var síðan samþykkt með 16 atkvæðum en fimm sátu hjá. 

Tengdar fréttir

Hvalveiðar

Kálffull kýr dregin á land

• Banni aflétt og Hvalur 8 til veiða á ný
• Boða afléttingu á veiðibanni með skilyrðum
• Mál Hvals áfram til meðferðar hjá MAST
• 69% studdu ekki aðgerðir hvalveiðimótmælenda

» Fleiri tengdar fréttir

• Blogga um frétt