Um 500 kíktu á landsliðið í nýsköpun

Svandís Svavarsdóttir matvælaráðherra opnaði sýningu nýsköounarfyrirtækja í Sjávarklasanum í gær og sóttu um 500 sýninguna, að því er segir í fréttatilkynningu Sjávarklasans.

„Segja má að þarna hafi verið komið saman landsliðið í nýsköpun í öllu er við kemur bláa hagkerfinu,“ segir í tilkynningunni.

Gátu gestir meðal annars kynnt sér kollagen úr fiski, veiðar með ljósum, síldarlýsi, húðvörur úr þörungum, sárameðferð með fiskroði, veiðitækni, rafmagnsbáta, fiskleður, siglingakerfi, salt með beinmarningi, þjálfunarhugbúnað fyrir fiskvinnslu, fiskisnakk, fiskidrykki, líforkuver, endurunnin fiskikör og snyrtivörur úr skel.

Frétt af mbl.is

Bjóða almenningi að sjá nýsköpun í sjávarútvegi

• Blogga um frétt