Íslenskur dansari í Juilliard-skólann

Lilja Rúriksdóttir, 17 ára, hefur fengið inngöngu í danslistardeild Juilliard listaháskólann í New York. Mun Lilja vera fyrsti íslenski dansarinn sem fær inngöngu í þennan skóla, sem er einn virtasti listaháskóli heims.

Lilja var ein af 12 stúlkum sem fengu inngöngu í listdansdeildina næsta skólaár. Námið tekur 4 ár og lýkur með BA gráðu. Lilja byrjaði 3 ára gömul í Ballettskóla Eddu Scheving og fór svo í Listdansskóla Íslands þegar hún var 9 ára gömul. Í apríl 2008 keppti hún ásamt þremur öðrum íslenskum dönsurum í alþjóðlegri ballettkeppni í Mora í Svíþjóð.  

Vorið 2008 fékk hún inngöngu við Joffrey ballettskólann í New York og hefur verið þar í fullu námi síðan, auk þess sem hún hefur tekið þátt í sýningum við Brooklyn Repertory Opera.

• Blogga um frétt