Fatastíllinn | 25. júní 2022
Tímalaus tískugyðja á sextugsaldri
Hin 57 ára Grece Ghanem er sannkölluð tískugyðja, en hún er gjarnan kölluð „drottning tímalausa stílsins“ enda getur fólk á öllum aldri sótt innblástur til hennar. Ghanem er fyrrverandi örverufræðingur en starfar nú sem fyrirsæta og áhrifavaldur sem reynir að útrýma gömlum hugmyndum um að konur þurfi að klæða sig eftir aldri.
Tímalaus tískugyðja á sextugsaldri
Fatastíllinn | 25. júní 2022
Setja bókamerki
Hin 57 ára Grece Ghanem er sannkölluð tískugyðja, en hún er gjarnan kölluð „drottning tímalausa stílsins“ enda getur fólk á öllum aldri sótt innblástur til hennar. Ghanem er fyrrverandi örverufræðingur en starfar nú sem fyrirsæta og áhrifavaldur sem reynir að útrýma gömlum hugmyndum um að konur þurfi að klæða sig eftir aldri.
Hin 57 ára Grece Ghanem er sannkölluð tískugyðja, en hún er gjarnan kölluð „drottning tímalausa stílsins“ enda getur fólk á öllum aldri sótt innblástur til hennar. Ghanem er fyrrverandi örverufræðingur en starfar nú sem fyrirsæta og áhrifavaldur sem reynir að útrýma gömlum hugmyndum um að konur þurfi að klæða sig eftir aldri.
Á Instagram reikningi Ghanem má sjá töffaralegan og heillandi stíl hennar, en hún segir klæðnað sinn í dag ekki svo frábrugðin því sem hún klæddist á þrítugsaldri.
Í viðtali við Vogue segist Ghanem vera sjálfsöruggari í dag en nokkru sinni fyrr. „Ég er enn forvitin og ævintýragjörn þegar kemur að nýjum tískustraumum,“ sagði Ghanem, en hún leggur mikið upp úr því að eiga tímalausa hluti í góðum gæðum.
Ghanem vann upphaflega á rannsóknarstofu á sjúkrahúsi í heimalandi sínu, Líbanon. Hún hlaut síðar réttindi sem einkaþjálfari eftir að hún flutti til Montréal, Kanada í kjölfar borgarastríðsins.
Ghanem stofnaði Instagram reikning sinn fyrir fimm árum síðan eftir að hafa fengið Instagram reikning dóttur sinnar lánaðan til að skoða tískumyndir. „Þetta byrjaði sem áhugamál, við tókum alltaf „tísku“ myndir þegar við vorum að ferðast. Við tókum þá ákvörðun að ef við myndum deila myndunum, þá myndi vera tilgangur á bak við það.“
Hún ætlaði aldrei að verða áhrifavaldur, en myndirnar vöktu fljótt mikla athygli.
Í viðtalinu rifjaði Ghanem upp ákveðin kaflaskil þegar hún var mynduð í bleikum kjól af stofnanda Advanced Style, Ari Seth Cohen á tískuvikunni í New York. „Mér finnst það vera tímapunkturinn þar sem fólk fór að átta sig á því að aldur þinn er ekki þáttur í því hvernig þú velur að klæða þig.“
Hún segir tískuiðnaðinn færast hægt frá núverandi framsetningu á aldri samanborið við aðrar tegundir fjölbreytileika. „Það er enn nokkur aldurshyggja í fyrirsætubransanum. Oft er ég stíliseruð á mun íhaldssamari og klassískari hátt en yngri fyrirsæturnar, bara vegna þess að ég er eldri.“
„Það að vera eldri þýðir ekki að ég sé með klassískan stíl.“
/frimg/1/47/94/1479495.jpg)
