Söngkonan Selena Gomez og fyrirsætan Hailey Bieber féllu í faðmlög á galahátíð í Bandaríkjunum í gær eftir sögusagnir um áralangt drama. Selena var áður með eiginmanni Hailey, tónlistarmanninum Justin Bieber, og snérist meint drama um að Hailey og Justin hafi byrjað að hittast á meðan hann var enn með Selenu. 

Nýlega kom Hailey fram í hlaðvarpinu Call Her Daddy þar sem hún opnaði sig í fyrsta sinn um sögusagnirnar, en þar sagði hún ekkert nema ást og virðingu vera á milli hennar og Selenu.

Aðdáendur Selenu og Justin margir

Selena og Justin eiga sér langa sögu, en þau voru par á árunum 2019 til 2018. Samband þeirra var þó nokkuð óstöðugt, en þrátt fyrir það voru aðdáendur parsins margir og áttu erfitt með að sætta sig við sambandsslitin. 

Hailey og Justin trúlofuðu sig aðeins nokkrum mánuðum eftir sambandsslit Selenu og Justins, en það vakti nokkra reiði meðal aðdáenda fyrrum parsins sem hafa gert í því að níðast á Hailey og Justin í gegnum samband þeirra, bæði á samfélagsmiðlum og viðburðum. 

Frétt af mbl.is

Hrópuðu nafn fyrrverandi kærustu

Segist ekki hafa „stolið“ Justin af Selenu

Í hlaðvarpinu staðfesti Hailey að hún hefði talað við Selenu áður en hún giftist Justin í september 2018 og ítrekaði enn og aftur að engin dramatík væri á milli þeirra. Í viðtalinu lagði hún einnig áherslu á að hún hafi ekki „stolið“ Justin frá Selenu eins og margir aðdáendur héldu fram.