„Þetta var ekki á formlegri dagskrá en auðvitað ræðum við utan dagskrár líka. Þetta er stórt mál sem er í gangi núna,“ segir Guðmund­ur Ingi Guðbrands­son, fé­lags- og vinnu­markaðsráðherra, spurður hvort ríkisstjórnin hafi rætt stöðuna sem nú er komin upp í kjaradeilum eftir að VR sleit viðræðum við Samtök atvinnulífsins (SA).

Frétt af mbl.is

„Þá var alveg ljóst að lengra yrði ekki farið“

Mun ríkisstjórnin bregðast við með aðgerðum?

„Fyrst og fremst þá eru þessi atriði til viðræðna á milli samningsaðilanna en við fylgjumst mjög vel með,“ segir Guðmundur í samtali við mbl.is.

Vil­hjálm­ur Birg­is­son, formaður Starfs­greina­sam­bands­ins, tjáði mbl.is að sambandið hefur ekki slitið kjaraviðræðum við SA. Þá hefur Landssamband íslenskra verzlunarmanna ekki heldur slitið viðræðum. 

Næst verður fundað á þriðjudag með Ríkissáttasemjara og SA. 

Mikilvægur fundur í gær

Guðmundur segir að fundur forsætisráðherra með aðilum vinnumarkaðarins í gær hafi verið mjög mikilvægur. 

„Þetta er auðvitað í höndum samningsaðila eins og staðan er núna,“ segir Guðmundur Ingi. 

Frétt af mbl.is

„Mjög miður“ að kjaraviðræðum sé slitið