Hin níu ára gamla Alessia Ramos, situr á spítala í Mexíkóborg og klappar hamstrinum Vöfflu.
Hin níu ára gamla Alessia Ramos, situr á spítala í Mexíkóborg og klappar hamstrinum Vöfflu.
Hin níu ára gamla Alessia Ramos, situr á spítala í Mexíkóborg og klappar hamstrinum Vöfflu.
Á spítalanum má finna fjölda dýra, til dæmis ástralska páfagauka og husky-hund, sem eru sjúklingum og starfsfólki til halds og trausts.
„Þetta hjálpar mér með kvíðann, að stjórna tilfinningunum mínum, að slaka á og vera einbeittari,“ segir Ramos er hún klappar hamstrinum.
Í hópi þeirra dýra sem vinna á geðheilsu- og líknarmeðferðardeild spítalans eru átta hundar. Einn þeirra er Harley „eineygði“, en hann missti hægra augað sitt í slysi að sögn Luciu Ledesma, yfirlæknis á spítalanum.
„Að komast í snertingu við dýr knýr fram sterkar taugasálfræðilegar breytingar sem stuðla að minna stressi og kvíða, auk þess hjálpar það einnig við önnur vitsmunaferli,“ segir Ledesma. Spítalinn er eina opinbera heilbrigðisstofnunin í landinu þar sem dýr eru notuð til að aðstoða við geðheilsumeðferð en slíkt er þó einnig gert í öðrum löndum.
Það má segja að Harley sé orðin ákveðin stjarna í Mexíkó en varð hann frægur á tímum Covid-19 faraldursins, þegar hann heilsaði upp á Covid-sjúklinga á spítölum, klæddur hlífðarbúnaði og litlum gulum stígvélum.
„Það voru hundar á spítölum í öðrum löndum en þeir fóru aldrei á Covid-svæðin. Við fengum athygli á alþjóðavísu,“ segir Ledesma.