Hringferð Sjálfstæðismanna byrjar vel, allavega hjá formanni flokksins, Bjarna Benediktssyni, sem fékk kálf skírðan í höfuðið á sér á bænum Bessastöðum. 

Jón Gunnarsson, fyrrverandi dómsmálaráðherra, segir frá á Facebook og birtir mynd af nöfnunum. 

„Hittum þau Guðnýju og Jóhann og fleiri góða Sjálfstæðismenn á Bessastöðum. Fyrirmyndar bú hjá þessu góða fólki. Kálfur kom í heiminn stuttu áður en við mættum og hann fékk að sjálfsögðu nafnið Bjarni,“ skrifar Jón.

Frétt af mbl.is

„Flautaðu ef þú vilt lægri skatta“

Ánægður með nafna

Bjarni birti sjálfur mynd af kálfinum Bjarna á Instagram skömmu eftir að flokksbróðir hans Jón greindi frá tíðindunum. 

Í færslu sinni kveðst Bjarni hafa glaðst þegar hann heyrði að kálfurinn litli hefði fengið nafnið Bjarni. 

Bjarni og Bjarni á Bessastöðum.