Samningafundi Samtaka atvinnulífsins með VR og LÍV sem hófst í Karphúsinu klukkan 10 í morgun var slitið á tólfta tímanum í kvöld. Búið er að boða annan fund klukkan 9 í fyrramálið.
Samningafundi Samtaka atvinnulífsins með VR og LÍV sem hófst í Karphúsinu klukkan 10 í morgun var slitið á tólfta tímanum í kvöld. Búið er að boða annan fund klukkan 9 í fyrramálið.
Samningafundi Samtaka atvinnulífsins með VR og LÍV sem hófst í Karphúsinu klukkan 10 í morgun var slitið á tólfta tímanum í kvöld. Búið er að boða annan fund klukkan 9 í fyrramálið.
Þetta staðfestir Ástráður Haraldsson ríkissáttasemjari í samtali við mbl.is.
Fyrr í kvöld sagði hann í samtali við mbl.is að enn þyrfti að ná lendingu með deilu um starfsmenn farþega- og hleðsluþjónustu Icelandair á Keflavíkurflugvelli.
Stjórn Samtaka atvinnulífsins samþykkti einróma að efna til allsherjaratkvæðagreiðslu um verkbann á félagsmenn stéttarfélagsins VR. Þetta kom fram í fréttatilkynningu frá SA fyrr í dag.
Sprettur samþykktin af atkvæðagreiðslu VR um boðun verkfallsaðgerða fyrir starfsmenn farþega- og hleðsluþjónustu Icelandair á Keflavíkurflugvelli en eftir því sem fram kemur í tilkynningu SA mun verkbann, komi til þess, ná til alls skrifstofufólks sem aðild á að VR og fellur undir almennan kjarasamning SA og VR.