Kristín Sif Björgvinsdóttir, útvarpskona á K100 og íþróttakona, og eiginmaður hennar, tónlistarmaðurinn Stefán Jakobsson, innsigluðu ást sína með eins húðflúrum á dögunum. Húðflúrið er táknrænt fyrir hjónin og fjölskyldu þeirra. Það er hjartalaga, en myndin sýnir ref, ljón og loppuför. 

Hjónin deildu fallegri speglamynd af sér á Instagram þegar verkinu var lokið, en Kristín Sif og Stefán, jafnan kallaður Stebbi Jak, fóru á húðflúrstofuna Reykjavík Ink á Frakkastíg. 

„Ég er refurinn þinn - þú ljónið mitt, þú ert minn mánudagur, hversdagurinn. Loppuförin tákna dýrmætu börnin okkar. Takk Reykjavík Ink fyrir fallegu flúrin okkar,“ skrifaði Kristín Sif við myndina.

Frétt af mbl.is

„Það klikkaði ekkert, þetta var sturlað partí og allir skemmtu sér konunglega“

Krist­ín Sif og Stefán gengu í það heil­aga í sept­em­ber á síðasta ári við glæsi­lega at­höfn, en sú fór fram ut­an­dyra í Hús­nestá sem er lít­il „eyja“ við Mý­vatn. Landið er í eigu fjöl­skyldu Stef­áns.