Tónlistarkonan Bríet Ísis Elfar flaug á vit ævintýranna stuttu eftir að tökum á Idol Ísland lauk í febrúar.
Tónlistarkonan Bríet Ísis Elfar flaug á vit ævintýranna stuttu eftir að tökum á Idol Ísland lauk í febrúar.
Tónlistarkonan Bríet Ísis Elfar flaug á vit ævintýranna stuttu eftir að tökum á Idol Ísland lauk í febrúar.
Bríet, sem sló í gegn með laginu Rólegur kúreki árið 2020, er komin til Tókýó, höfuðborg Japan, eftir að hafa upplifað dásamlegar og afslappandi stundir á Balí í Indónesíu.
Bríet hefur notið alls þess sem borgin hefur upp á bjóða enda er Tókýó suðupottur menningar, mannlífs og matar. Hún hefur birt þó nokkrar myndir frá ferðinni á samfélagsmiðlinum Instagram og af myndum að dæma þá er hún í góðum félagsskap.
Bríet birti meðal annars mynd af sér ásamt Nick Grimshaw, sem er þekktur sjónvarpsmaður í Bretlandi og Ditu Von Teese, burlesque-dansara og fyrrverandi eiginkonu tónlistarmannsins Marilyn Manson.
Tónlistarkonan gistir á hinu glæsilega The Tokyo Ginza, en það undir hatti Edition-hótelkeðjunnar. Hótelið hélt glæsilega opnunarhátíð á dögunum en það enduropnaði dyr sínar eftir endurbyggingu. Bríet lét sig að sjálfsögðu ekki vanta.