Pentagon álítur samkynhneigð vera geðsjúkdóm

Samkvæmt skilgreiningu reglugerðar númer 1332,38 hjá bandaríska varnamálaráðuneytinu eiga þessir ...
Samkvæmt skilgreiningu reglugerðar númer 1332,38 hjá bandaríska varnamálaráðuneytinu eiga þessir menn við geðsjúkdóm að stríða. Reuters
Fram kemur í reglugerðarskjali sem tilheyrir bandaríska varnamálaráðuneytinu, Pentagon, að samkynhneigð sé geðsjúkdómur, en vísindamenn hjá Háskólanum í Kaliforníu hafa leitt þetta í ljós. Þetta hefur vakið hörð viðbrögð hjá bandarískum þingmönnum sem hafa hvatt Pentagon til þess að fjarlægja viðkomandi skjal.

Reglugerð númer 1332,38, sem fjallar um „mat á líkamlegri fötlun“, flokkar samkynhneigð sem geðsjúkdóm á borð við persónuleikabrest og því að vera heftur andlega.

Skjalið, sem er frá því í nóvember 1996, er merkt vera „í gildi“ árið 2003, að því er vísindamennirnir segja.

„Maður er afar vonsvikinn yfir því að vissar leiðbeiningar varnamálaráðuneytisins skuli skilgreina samkynhneigð sem geðsjúkdóm rúmum 30 árum eftir að samfélagið um andlega heilsu manna viðurkenndi að slík flokkun væri mistök,“ sagði þingmaðurinn Marty Meehan í dag.

„Það er engin vísindalegur grundvöllur fyrir slíkri flokkun, sem fær mig til þess að trúa því að á baki flokkuninni liggi eitthvað ískyggilegt,“ bætti hann við.

Meehan, ásamt átta öðrum þingmönnum, sendu Donald Rumsfeld, varnamálaráðherra Bandaríkjanna, bréf þar sem þeir vonast til þess að orðalagið verið uppfært til nútímahorfs og í samræmi við afstöðu bandarísku læknasamtakanna til samkynhneigðar.

mbl.is

Bloggað um fréttina

Þýsku kerrurnar, ný sending
Fleiri myndir á Bland: https://bland.is/classified/entry.aspx?classifiedId=38248...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Einstakt sumartilboð - 14,44 fm Garðhús - kr. 375.900,-
Naust er bjálkahús úr 34mm bjálka með tvöfaldri nót. Húsið er 3,8m x 3,8m og er...
Legupressur 50 Tonna
Everet UK Legupressur 50 T Loft/glussadrrifnar og einnig hægt að handtjakka. Gæ...