Stjórnvöld í Rússlandi ætla að bjóða sakaruppgjöf þeim uppreisnarmönnum í Tsétsníu sem leggja niður vopn fyrir 1. ágúst, og hætta baráttu sinni við Rússa. Er boðið liður í átaki um að binda enda á ófriðinn í héraðinu í kjölfar þess að Rússar felldu uppreisnarleiðtogann Shamil Basayev.
Nikolai Patrushev, yfirmaður í öryggisþjónustu Rússa, segir að tillaga verði samin innan nefndar um baráttu gegn hryðjuverkum, sem verði svo send þingi landsins og Vladimír Pútin, forseta. Pútin hefur neitað að semja við uppreisnarmenn í Tétsníu og krefst uppgjafar þeirra.
„Rússneskir borgarar sem hafa látið blekkjast af leiðtogum uppreisnarhópa, og látið draga sig út í glæpastarfsemi hafa nú raunverulegan möguleika á að snúa aftur til friðsamlegs lífs" sagði Patrushev í ræðu sem var sjónvarpað í dag.