Fólk vill heldur ræða um trúmál yfir drykk og samloku á krá, heldur en yfir sálmabókum í kirkjunni. Þetta segir verðandi prestur í nýrri kráarkirkju Lancashire í Bretlandi.
Presturinn, Alistair McHaffie, vill að kirkjugestir geti hist í afslöppuðu umhverfi og rætt um ýmis málefni.
„Við vonum að kráarkirkjan verði vinsæl og geti haldið áfram á næsta ári. Sóknarbörnin eru hrifin og segja að þau ætli að taka vini sína með. Þetta verður kirkja án predikana,“ segir talsmaður sóknarinnar.