„Handtakið mig, ég veit hvað ég hef gert“

Tannlæknirinn greip eldhúshníf og stakk manninn í fjórgang. Myndin er ...
Tannlæknirinn greip eldhúshníf og stakk manninn í fjórgang. Myndin er úr safni. mbl.is/Árni Sæberg

Breskur tannlæknir réðst á og stakk annan mann fjórum sinnum þegar hann kom að manninum á heimili sínu ásamt eiginkonu sinni. Maðurinn sem varð fyrir árásinni lifði af, en hann hafði verið að neyta áfengis og nota kókaín með eiginkonu tannlæknisins.

Réttarhöld eru hafin í málinu og er fjallað um þau á vef The Telegraph.

Tannlæknirinn, Philip Gale, er ákærður fyrir tilraun til mannráps, en hann réðst á Andrew Smith og stakk hann samtals fjórum sinnum í brjóstkassa og bak. 

Við réttarhöldin kom fram, að þegar lögreglan kom á staðinn hafi Gale sagt: „Handtakið mig, ég veit hvað ég hef gert.“ 

Gale, sem starfar sem tannlæknir í Lancashire, heldur því fram að hann hafi gert þetta í sjálfsvörn. Gale greindi lögreglu frá því að Smith hefði gefið eiginkonu sinni, Jayne Masters, kókaín.

Fram kom við réttarhöldin, að Gale og eiginkona hans til þrettán ára hafi bæði átt í ástarsamböndum utan hjónabandsins. Hjónabandið hafi því ekki staðið traustum fótum en þau hafi hins vegar nýverið ákveðið að koma ekki með elskhuga inn á heimili þeirra.

Saksóknarinn í málinu hélt því hins vegar fram að samband Masters við Smith hefði ekki verið kynferðislegt. Hann lýsti þeim eins og tveimur vinkonum sem þætti gaman að spjalla, drekka og nota kókaín. 

Hann sagði enn fremur, að Masters hefði bæði treyst Smith og liðið vel í návist hans. Hún væri stundum í nærfötum einum klæða þegar þau væru saman og færi jafnvel á salernið fyrir framan hann. 

Fram kom við réttarhöldin að Gale hefði í nokkur skipti komið að eiginkonu sinni sofandi við hlið Smith á sófa í svefnherbergi hennar. 

Masters sagði að Gale væri ekki hrifinn af hennar lífstíl og að hann væri ekki hrifinn af Smith og því vildi hann ekki sjá hann á heimili þeirra. 

Kvöldið sem Gale réðst á Smith á sá síðarnefndi að hafa sagt við Masters, þegar Gale var að koma heim, að hann vildi fá að vita hvers vegna tannlækninum væri svona illa við sig. Gale sagði Smith hins vegar að yfirgefa húsið og skömmu síðar réðst hann á manninn með eldhúshníf. 

Smith gekkst undir aðgerð sem bjargaði lífi hans. Hann lá á gjörgæslu í nokkrar vikur. 

mbl.is
Bækur um ættfræði byggðasögu og ýmsan fróðleik til sölu
hef til sölu nokkur grundavallarrit ættfræðinnar ásamt ritum um atvinnu og byggð...
Rómversk messubók
Rómversk messubók, aðeins 50 eintök gefin út og þar af flest eintök í vörslu kaþ...
215/75X16
Til sölu 2st Contenental dekk notuð 215/75x16 undan Ford Transit húsbíl sterk ...
 
Framhalds uppboð
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
L edda 6018022019 i
Félagsstarf
? EDDA 6018022019 I Mynd af auglýsin...
Bækur til sölu
Til sölu
Bækur til sölu Menntamál 1.-42. árg. ...