Vopnaðir menn hafa gert árás á ferðamannastaðinn Le Campement í Dougourakoro, í Malí í Afríku. Íbúar í nágrenninu hafa heyrt skothvelli frá staðnum, sem er vinsæll með vestrænna ferðamanna.
Hermenn og öryggissveitir hafa verið sendar á vettvang. Ekki liggur fyrir hversu margir hafa látist eða særst í árásinni.
Búið er að loka nærliggjandi svæðum, að því er segir á vef BBC.
Undanfarin ár hafa yfirvöld í Malí barist við vopnaða íslamista sem ferðast um mið- og norðurhluta landsins.
Í nóvember 2015 létust að minnsta kosti 20 þegar vopnaðir menn tóku gesti og starfsmenn í gíslingu á Radisson Blu-hóteli í Bamako.