Einn látinn eftir skotárás í Helsingborg

Stórt svæði umhverfis árásina var afgirt á meðan tæknideild lögreglu ...
Stórt svæði umhverfis árásina var afgirt á meðan tæknideild lögreglu í Helsingborg er þar að störfum. mynd/norden.org

Einn lést og annar særðist alvarlega í skotárás í Helsingborg á Skáni í Svíþjóð í gærkvöldi. Sænska ríkisútvarpið SVT greinir frá því á vef sínum að lögreglu hafi borist fjöldi tilkynninga um skothvelli í Närlunda í Helsingborg.

Er lögregla kom á vettvang fann hún þar tvo unga menn alvarlega slasaða, annar þeirra var úrskurðaður látinn á sjúkrahúsi skömmu síðar. Báðir mennirnir voru rúmlega tvítugir og höfðu komið við sögu lögreglu áður.

Lögregla verst allra svara að svo stöddu, en Aftonbladed segir tvo bíla hafa yfirgefið svæðið eftir skotárásina. Stórt svæði umhverfis árásina var afgirt á meðan tæknideild lögreglunnar er þar að störfum.

Mikill mannfjöldi hefur þá safnast saman við sjúkrahúsið sem mennirnir voru fluttir á og er lögregla með töluverðan viðbúnað þar að sögn SVT.

mbl.is
Til leigu
Falleg tveggja til þriggja herbergja íbúð á 2. hæð í góðu fjölbýlishúsi í Hlíðun...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Rafstöðvar DEK 30 KW 400/230 50 HZ Deutz 50 kw
DEK og Deutz rafstöðvar 30 kw og 50 kw ,útvegum allar stærðir. Vinnu rafstöðva...
byggingu og endurnýjun verk
Ég mun gera allar minniháttar byggingar og endurbætur. Skrifaðu tölvupóstfang r....