Júlía Skripal hefur verið útskrifuð af sjúkrahúsi en faðir hennar, njósnarinn fyrrverandi, Sergei Skripal, er enn á sjúkrahúsi. BBC og Sky greina frá þessu í dag. 

Bresk stjórnvöld segja að Rússar beri ábyrgð á eitursárás á Sergej Skripal, fyrrverandi rússneskan leyniþjónustumann sem var dæmdur í fangelsi í Rússlandi fyrir njósnir í þágu bresku leyniþjónustunnar MI6 en síðar framseldur til Bretlands. Skripal fannst meðvitundarlaus ásamt Júlíu, sem er 33 ára  í Salisbury 4. mars. 

Talsmaður sjúkrahússins vildi ekki staðfesta að Júlía hafi verið útskrifuð í gær en boðað hefur verið til blaðamannafundur vegna málsins. 

Júlía Skripal kom til Bretlands daginn áður en eitrað var fyrir þeim. Í fyrstu var talið ólíklegt að þau myndu lifa af en faðir hennar er einnig á batavegi. Bresk yfirvöld hafa komið henni fyrir í öruggu skjóli, samkvæmt fréttum breskra fjölmiðla í morgun.

Júlía Skripal. AFP

Sergei Skripal. AFP

Tengdar fréttir

Eitrað fyrir Skripal

Grunaðir í Skripal-máli sakaðir um þátt í sprengingu

• Gagnrýnandi Pútíns kyrktur
• Boris varar Pútín við
• Ræðir Skripal-málið við Pútín
• Mikil umferð um sendiráðið fyrir tilræðið

» Fleiri tengdar fréttir

• Blogga um frétt